Network
DESKJABAR – Geus sataun leuwih Ibro gawe di Jakarta. Kamari waktu munggahan, samemeh mudik dilarang, manehna nyelang balik ka kampung.
Pasosore, Ibro ngadongeng ka Sueb jeung Icih, indung bapana: "Alhamdulillah Ema Bapa, Ibro teh ayeuna geus lain SATPAM deui tapi geus jadi SECURITY di imah dinas Bos perusahaan Garment"
Bari nyuruput kopi panas gula kawung dina cangkir batok, Ibro neruskeun caritana: "Ayeuna Ibro teh tiap poe SAPTU kudu milu WEEKEND ngawal si Bos. Cenah mah si Bos teh urang TIONGKOK tapi wajahna teh siga pisan urang CINA".
"Bageur mah bageur Si Bos teh Pa, Ma.... Tapi edas nyandu pisan NGINUM DRINK nepi ka mabok", pokna deui.
Baca Juga: Fahri Hamzah Soal Hasil Tes Pegawai KPK: Otot Kalian Sudah Gak Kuat, Kasih Kesempatan Generasi Baru
Baca Juga: Persib dan Peserta Liga 1 Indonesia 2021 Tidak Bisa Bermain di Kandangnya Sendiri, Ini Alasannya
Diselang ku ngahuapkeun heula kulub hui, Ibro neruskeun caritaanna: "Mindeng Ibro diajak pesta. Cenah STANDING PARTY, tapi euweuh korsi hiji-hiji acan.... Nu paling sebel mah waktu diajak dahar. Cenah SELF SERVICE tapi tetep we kudu nyokotan sorangan dahareun teh".
Bari nyedot ududna, Sueb bapana nembalan: "Eta mah sarua atuh jeung indung maneh. Waktu bulan kamari gering dibawa ka Bandung. Dirawat di RUMAH SAKIT HASAN SADIKIN teh teu daek turun panasna. Dipindahkeun we ka RANCABADAK, karek cageur...".
"Aeh-aeh kutan kitu ari di kota nya loba pisan nu aneh. Matak ge Bro pesen Ema mah omat di kota mah ulah sok loba teuing maca KORAN. Baca mah NYUSPEPER we.....!", cek Icih indungna bari heuay.***
